heilsubloggið mitt

Í dag ætlaði ég að hafa nammidag.....

Sat, 04 Feb 2006 21:53:29 GMT

En vitið þið hvað??! Sko mín er ekki búin að borða namma frá því um áramótin og í dag var ég búin að ákveða að kaupa mér nammig og fá mér smá svona svo maður springi nú örugglega ekki á limminu einn daginn. En nei nammipokinn stendur óhreyfður (keypti mér sko smá bland í poka) og eins er kókosbollan mín (UPPÁHALDIÐ MITT) óhreyfð, hef ákveðið að arfleiða börnin og manninum að þessu góðgæti þar sem mig langar ekki hið minnsta í þetta 8|.

En já spikið rennur hægt og rólega af mér og ég get ekki annað en verið sátt við árangurinn þar sem ég stunda ekki aðra hreyfingu eins og er en að ganga úti með einkaþjálfaranum mínum (s.s hundurinn minn). En auðvitað er mataræðið stór hluti af þeirri ástæðu að ég er að grennast svona, og það besta er að ég er ekki að borða þurra, braglausa einhæfa fæðu. Heldur í raun það sem mig langar í hverju sinni (með tilliti til hollustu auðvitað).

Eigið góða helgi allar saman

held ég sé bara sátt við sjálfa mig :)

Thu, 02 Feb 2006 23:27:15 GMT

Jæja nú er vikan senn á enda og ég tel mig hafa staðið mig bara eins og ég ætlaðist til af sjálfri mér :) Borðaði hollt og reglulega. Hreyfði mig eftir tíma og getu (gönguferðir).

Ég pizzakerlingin ógurlega (já ég eeeeeeeeeeeeeeeeeeeeeelska pizzur) stóðst það að fá mér pizzusneið (langaði nú samt smá í :P). Fór svo á smá fund í dag og á borðum var fullt af súkkulaði og ýmsu gúmmelaði en nei, auðvitað sleppti ég öllu slíku. Fékk mér í staðinn ávaxtasallat sem ég eeelska. Samanstendur af melónublöndu, jarðaberjum, kiwi, vínberjum og perum mmmmmmmm JUST LOVE IT!! :D

En jæja gangi ykkur allt í haginn skvísur...

Upp með buxur niður með hendur....hmm eða var það öfugt??? Hux

Wed, 01 Feb 2006 23:50:18 GMT

Helsta vandamálið þessa dagana er að ég þarf sífellt að vera að hysja upp um mig buxurnar, ekkert voðaleg smekklegt að sjá fullorðna konu sem varla heldur buxunum upp um sig :P En ég er enn á góðu róli. Steig á vigt í kvöld og sá að tvö kíló til viðbótar höfðu kvatt mig. Ekkert ósátt við það held ég barasta :) Ætla að halda áfram að sleppa sætindum, en leyfa mér kannski eitthvað smá gotterí einu sinni í viku t.d föstudags eða laugardagskvöld. Prófaði um daginn sykurlaust ísblóm (veit nú ekki hve miklu skárra er að fá sér slíkt heldur en venjulegt) og fannst það bara ágætt. Allavegana gaman að geta fengið sér ís af og til þegar hinir fjölskyldumeðlimirnir gæða sér á slíku góðgæti (gerist að vísu ekki oft) Yngri stelpan mín er hoppandi kát og ánægð með að hafa fengið senda Latabæjarbókina. Hún nefnilega veit að hún á ekkert í vandræðum með að geta fyllt síðurnar með límmiðum því að ég hef alltaf passað upp á það að börnin borði mjög hollt og fjölbreytt fæði, og grænmeti og ávexti mega þau fá sér að vild hér heima (alltaf til nóg af þeim fæðuflokki hér). En jæja.....nóg komið í bili...spjalla við sjálfa mig hér aftur síðar :P

stórt bros.... :D

Sat, 28 Jan 2006 17:21:47 GMT

Ég er svo sátt :lol: Síðustu daga er fólk sífellt að pikka í mig og segja "mikið svakalega hefur þú grennst". Þetta gefur manni pepp og enn meiri ákveðni í að halda áfram og gera enn betur. Finn líka að allir bolir sem voru þokkalega þröngir yfir magann á mér eru orðnir vel rúmir núna. Ekki bara það að það sjáist munur, ég finn mikinn mun, ekki bara líkamlega heldur einnig andlega :)

Ætla að halda áfram á sömu braut, nota mína aðferð (sem er nú ekki merkileg) og vonandi kemst ég klakklaust á leiðarenda (þ.e að settu markmiði)

Fyrir ykkur sem eiga það virkilega skilið að skella sér í dekur ;)

Thu, 26 Jan 2006 19:37:06 GMT

Útskriftarnemar í Snyrtiskólanum í Kópavogi ætla að hafa opinn dag, laugardaginn 28.janúar n.k. milli kl 10:00 og 16:00 þar sem boðið verður upp á snyrtimeðferðir á góðu verði.

Í boði verður

Litun og plokkun

Fótsnyrtingu+lökkun

Handsnyrtingu+lökkun

Andlitsbað 60 mín

Líkamsnudd 60 mín

Partanudd 30 mín

Húðhreinsun

Vax að hné eða læri

Vax nári eða hendur

Vax andlit

Vax að hnjám, læri og nári

Förðun

jæja á vigtina fór ég....

Thu, 26 Jan 2006 00:29:24 GMT

Jæja stóðst ekki mátið og steig í fyrsta skiptið á vigt síðan í desember. Veit í raun ekki hvort ég nældi mér í einhver kíló yfir jólin en geri þó alveg ráð fyrir eins og einu kílói, sem ég ætla þó ekki að taka með í reikninginn. En útfrá þessari tölu sem var á vigtinni um miðjan desember þá hef ég frá áramótum náð af mér 6 kílóum :) get ekki annað en verið sátt við það. Nú er bara að halda áfram á þessari braut og bæta svo enn meiri hreyfingu við þegar tækifæri gefst.

Var aðeins að skoða blogg átaksbloggara í dag og sá að árangurinn er hreint ótrúlegur hjá mörgum hverjum. Til lukku með fokin kíló stelpur ;)

allt að koma....

Tue, 24 Jan 2006 23:14:04 GMT

Jæja allt í fínu gengi hér. Fór að vísu ekki í gönguferð í dag þar sem það er ótrúlega hált hérna í grennd og ég var ekki alveg að sjá mig halda mig á fótunum í myrkrinu þar sem ég hefði þurft að fara eftir skólann í kvöld. Mataræðið er bara í ágætis málum. Ætla þó að reyna að bæta mig í fiskáti. Finnst fiskur hinn fínasti matur og því um að gera að borða meira af honum.

Hef ekki stigið á vigt í þónokkurn tíma þar sem ég tók þá ákvörðun að vera ekki alltaf á vigtinnni. Finn heilmikinn mun á fötunum hjá mér og bara allri líðan yfir höfuð. Nú er bara að standast sælgætið og allt sukkið þegar lokaprófin skella á í feb.... ég skal!!!!!!!!

allt í góðu gengi hér

Mon, 16 Jan 2006 17:35:27 GMT

Jæja allt í góðu gengi hér :) Finn orðið heilmikinn mun á mér. Og þegar svo er komið þá styrkist maður og verður ákveðnari í að ná settu marki.

Hafði ætlað mér að prófa danska kúrinn en sé ekki fram á að komast á kynningarfund á næstunni þar sem ég er í skólanum á daginn og kvöldskóla mán, þri og mið. En ég mun örugglega prófa þetta prógram með tíð og tíma. Hef allavegana algjörlega haldið mig frá öllu sælgæti og sukkeríi sem hefur stundum viljað loða við okkur skvísurnar í skólanum þar sem knappur tími er á milli tíma. Það er allavegana STÓR PLÚS.

En jæja ætlaði bara að pikka smáræði hingað inn. Kominn tími á að skjótast í skólann. læt heyra í mér fljótlega aftur.

Allt í góðu gengi...

Thu, 12 Jan 2006 00:12:31 GMT

Jamm og jæja, hægt en örugglega mjatlast spikið af. Af nógu er nú að taka :| En hef sett mér lítið takmark til að byrja með og það eru 5 kg fyrir 4.mars. Vonandi gengur það eftir.

Ég held áfram gönguferðunum um næsta nágrenni á meðan ég er á fullu í dagskóla og kvöldskóla, held ég komi ræktinni ómögulega fyrir í dagsplaninu eins og er. Mataræðið er í þokkalegum málum, fór á Stælinn með nokkrum í bekknum í dag og á meðan flestar fengu sér baconborgara og franskar þá fékk ég mér kjúklingasalat og sleppti bara sósunni og megninu af fetaostinum. Það góða er að ég elska kjúklingasalat þannig að ég sá ekkert voðalega eftir hamborgaranum og frönskunum.

En jæja nóg í bili... ætli maður hendi sér ekki í bælið, próf á morgun..

bankbank*

Sun, 08 Jan 2006 01:22:49 GMT

Er einhver heima???? úff langt síðan ég hef sett eitthvað hingað inn. Ástæðan hefur að stærstu leiti verið leti. Bloggsíðan sem ég hef verið með síðustu árin ber þess einnig merki, enda annsi lítið um færslur þar. Hef verið á fullu í dagskóla og kvöldskóla og já haft slatta að gera. Hef tekið þá ákvörðun að prófa danska kúrinn. Held að hann geti barasta hentað mér vel :) jahh svona ef ég ven mig á að vikta ofan í mig. Annars keypti ég mér svakalega fína safapressu í dag :) ég og krakkarnir ætlum hér eftir að taka með okkur ferskan heimapressaðan ávaxtasafa í skólann, í stað þess að kaupa okkur safa. Vinkona mín sagði mér t.d. að það væri mjög gott að blanda saman tveimur appelsínum, hálfri sítrónu og tveimur gulrótum. Svo er bara að prófa sig áfram með ávextina :D En já ætla að vera duglegri að henda einhverju hér inn af og til.. efast þó stórlega um að nokkur kíki hingað inn.. kveðja

:) :D :) :D :) :D :) :D :)

Tue, 09 Aug 2005 20:41:12 GMT

Jæja þá er maður komin heim úr sólinni. Áttum góðan tíma og höfðum mikið gaman :) Þræddum alla skemmtigarða, tívolí, vatnsrennibrautagarða, dýragarða og já alla þá garða sem okkur datt í hug að fara í :P Fór meira að segja í brjálaðasta rússíbanann í Terra Mitica. Annars gengum við alla daga af okkur fæturna. Allavegana er það á hreinu að við brenndum slatta á göngu okkar og auðvitað leyfði ég mér að fá mér stöku sinnum ís. En annars lét ég áfengi alveg eiga sig (fékk mér ekki bjórsopa), sælgæti og fleira í þeim dúr.

Já og viktin er svo góð að sýna mér það að síðasta mánuðinn þá hef ég náð af mér 3 kílóum án þess að vera í einhverju svaka aðhaldi.

Skólinn er byrjaður og já, kominn tími á að skella sér aftur í ræktina eftir útiveru sumarsins :)

hér er ég ....hér er ég

Tue, 12 Jul 2005 13:16:28 GMT

Jæja er búin að nýta sumarfríið í smá aukavinnu. Hef t.d verið í garðvinnu og maður fær bara þokkalega upphandleggsvöðva af því að klippa fullt af runnum :P hehe Hef voðalega gaman af því að vera úti við og fá hreyfingu um leið. Hef svo verið að vinna smávegis á eigin vegum með. Í næstu viku ætlum við í fjölskyldunni að skella okkur til Benidorm og slaka þar á í sólinni. Ætlunin er að taka línuskautana með og renna okkur eitthvað um :) enda er það sameiginlegt áhugamál allra í fjölskyldunni. Baráttan við aukakílóin gengur bara vel. Hef ekki verið að vikta mig neitt í sumarfríinu, en ég finn þónokkurn mun á mér. Og þeir sem umgangast mig hafa verið að minnast á það að ég hljóti að vera búin að leggja þónokkuð af í sumarfríinu. Vonandi er það rétt :) En jæja býst ekki við því að skrifa mikið inn fyrr en eftir heimkomu vegna anna. kíki nú samt vonandi eitthvað. gangi ykkur vel skvísur :)

örlítið héðan

Wed, 29 Jun 2005 00:44:15 GMT

Allt á góðri leið hér. Nýt þess að vera í fríi með börnunum og nýjasta fjölskyldumeðlinum sem er lítill og ofurlítill hvolpakjáni. Það eru farnar ófáar gönguferðirnar með hann þannig að þar kemur einhver auka hreyfing. Læt heyr betur í mér fljótlega. Þið eru að standa ykkur svakaleg vel stelpur :)

Loksins búin í prófum!! :D

Thu, 23 Jun 2005 21:23:49 GMT

Jæja prófum lokið og ég verð víst að viðurkenna það að ég var nú ekki að standa mig neitt svakalega vel í prófunum :s Í heildina voru þetta 14 próf ásamt ritgerðarskilum og já.. ég leitaði þónokkuð í sukkið þegar ég lá yfir skruddunum. Annars fann ég svo að ég fékk ógeð á nammi og þessu sukkfæði og keypti mér þá frekar jarðaber, bláber og fleira í þeim dúr.

En já þá er ég búin að játa syndir mínar....

Nú er kominn tími á að skella sér aftur í ræktina, taka aðeins til í mataræðinu áður en skaðinn skeður. Er nefnilega svo heppin að ég hef ekki verið að bæta á mig þrátt fyrir þessa óhollustu. En óbojj hvað mér líður miklu betur að vera komin á rétta rólið ;)

Eins gott að halda áfram og vera dugleg þar sem ég er líklega að skella mér til spánar í júlí og þá eins gott að vera í eins góðu formi og mögulegt er ;) Hef að vísu aldrei verið bikinítýpa þar sem ég er með einsdæmum spéhrædd svo ég er ekki að stefna að þeim áfanga...bara að líða sem best hvernig sem ég verð :)

Still alive

Mon, 06 Jun 2005 17:42:20 GMT

Jæja.. ekki er ég nú að standa mig í því að skrifa hér inn. Bæti úr því um leið og ég er búin í prófunum. Er búin með tvö próf og á helling eftir. 6 próf eftir þessa vikuna og svo nær daglega eftir það fram til 22 júní. Þá skal sko tekið á því!! Annars er ég nú ekki algjörlega lögst í dvala. Bara get ekki "búið" í ræktinni eins og ég hef helst viljað gera :P En já ætlaði rétt að láta vita af mér. Gangi ykkur vel stelpur :) Kíki á ykkur af og til þó ég sé nú ekki búin að vera dugleg að kvitta fyrir komu minni ;)